Bankastjórn Seðlabanka Íslands hefur ákveðið að hækka stýrivexti um 0,5 prósentur í 14%. Aðrir vextir bankans hækka einnig um 0,5 prósentur. Hækkunin er í takt við spár greiningaraðila.
Greiningaraðilar búast við að Seðlabankinn muni ekki hækka vexti meira og að vaxtahækkunarferillinn hafi að öllum líkindum náð hámarki.
Nýjustu mælingar Hagstofunnar gefa til kynna að tólf mánaða verðbólga sé að dragast saman og því muni verðbólguþrýstingur minnka á næstu mánuðum sem muni gefa Seðlabankanum svigrúm til að létta á aðhaldsaðgerðum sínum.
Næsta ákvörðun bankastjórnar Seðlabanka Íslands um vexti verður birt fimmtudaginn 2. nóvember næstkomandi samhliða útgáfu Peningamála.
