Bankastjórn Seðlabanka Íslands hefur ákveðið að stýrivextir bankans skuli vera óbreyttir og verða þeir því áfram 13,30%, segir í tilkynningu Seðlabankans.
Ákvörðunin er í takt við væntingar greiningaraðila, en greiningardeildir Glitnis og Kaupþings höfðu báðar spáð að vextirnir yrðu óbreyttir.
Í Peningamálum sem bankinn birtir á heimasíðu sinni eftir kl. 11 í dag eru færð rök fyrir ákvörðun bankastjórnar.
Næsta ákvörðun bankastjórnar um stýrivexti verður tilkynnt fimmtudaginn 6. september næstkomandi.
