Fimbulkuldi fylgir vetrarstorminum Hercules sem nú herjar á austurhluta Bandaríkjanna og Kanada. Með óveðrinu berst gríðarlegt fannfergi og mikið frost eins og sést á korti sem birt er á vefsíðunni Gawker.com .
Fyrirsögnin á fréttinni með kortinu er: „Ekki fara út í dag!” Í fréttinni er fólk varað við að fara út úr húsi á meðan á frostinu stendur og jafnvel sagt að slíkt geti verið lífshættulegt. Eins og sést á kortinu er búist við brunagaddi á stórum svæðum í Bandaríkjunum og Kanada.
