*

laugardagur, 29. janúar 2022
Fólk 26. nóvember 2021 15:41

Svana Huld yfir markaðs­við­­skiptum Arion

Svana Huld Linnet hefur verið ráðin forstöðumaður markaðsviðskipta hjá Arion banka.

Ritstjórn
Svana Huld Linnet, forstöðumaður markaðsviðskipta hjá Arion banka.

Svana Huld Linnet hefur verið ráðin forstöðumaður markaðsviðskipta Arion banka og tekur við af Þórarni Óla Ólafssyni sem mun taka við starfi vörustjóra á fyrirtækja- og fjárfestingarbankasviði. Þetta kemur fram í tilkynningu Arion banka.

Svana Huld hefur gegnt starfi forstöðumanns fyrirtækjaráðgjafar Landsbankans frá árinu 2019 en starfaði áður í fyrirtækjaráðgjöf Arion banka um átta ára skeið. Svana hefur leitt mörg stór verkefni á fjármálamarkaði á undanförnum 10 árum s.s kaup og sölu fyrirtækja, skráningar félaga á markað og endurfjármögnun. Svana Huld hefur einnig starfað hjá Exista, Kauphöllinni og sem verðbréfamiðlari hjá Búnaðarbankanum.

Svana Huld er viðskiptafræðingur að mennt og hefur auk þess lokið prófi í verðbréfaviðskiptum.

Svana mun hefja störf hjá Arion banka á nýju ári.

Stikkorð: Arion banki Svana Huld