Svanhildur Hólm Valsdóttir er hætt sem framkvæmdastjóri þingflokks Sjálfstæðisflokksins og hefur hún tekið við sem aðstoðarmaður Bjarna Benediktssonar, formanns flokksins. Eftirmanns hennar sem framkvæmdastjóra þingflokksins er nú leitað.
Fram kom í morgun að Illugi Gunnarsson hafi aftur verið gerður að formanni þingflokks Sjálfstæðisflokksins og tekur hann við af Ragnheiði Elínu Árnadóttur. Ragnheiður tók við formannssætinu þegar Illugi fór í leyfi frá störfum vorið 2010.
