*

miðvikudagur, 28. október 2020
Fólk 9. október 2020 08:54

Svanhildur Hólm stýrir Viðskiptaráði

Svanhildur hefur lengi verið aðstoðarmaður Bjarna Benediktssonar, en verður framkvæmdastjóri Viðskiptaráðs.

Ritstjórn
Svanhildur Hólm Valsdóttir tekur við sem framkvæmdastjóri Viðskiptaráðs eftir að hafa starfað um árabil sem aðstoðarmaður fjármála- og efnahagsráðherra.

Svanhildur Hólm Valsdóttir hefur verið ráðin framkvæmdastjóri Viðskiptaráðs. Þetta kemur fram í tilkynningu.

Svanhildur hefur síðustu ár starfað sem aðstoðarmaður Bjarna Benediktssonar, fjármála- og efnahagsráðherra, með stuttri viðdvöl í forsætisráðuneytinu, en hún vann einnig við fjölmiðla um árabil.

Svanhildur er lögfræðingur frá Háskóla Íslands með MBA-gráðu frá Háskólanum í Reykjavík. Hún hefur störf 1. desember næstkomandi.

„Við erum afar spennt að fá Svanhildi til liðs við okkur. Hún hefur mikla reynslu og þekkingu á efnahags- og viðskiptalífinu sem er dýrmætt á þessum víðsjárverðu tímum. Viðskiptaráð er mikilvæg rödd íslensks atvinnulífs og hjá okkur eru spennandi verkefni framundan, sem Svanhildur mun koma inn í af krafti,“ er haft eftir Ara Fenger, formanni Viðskiptaráðs, í tilkynningunni.