Sveinn Margeirsson, forstjóri Matís, hefur látið af störfum eftir 8 ára starf og hefur Oddur Már Gunnarsson tekið við sem starfandi forstjóri frá og með í dag.
Í tilkynningu á vef Matís er það sagt öflugt félag með sterkan mannauð og þakkar stjórn félagsins Sveini fyrir hans framlag til félagsins. „Undir hans stjórn og með aðkomu öflugs starfsfólks, hugviti þeirra og þekkingu, hefur Matís vaxið.“
Viðskiptablaðið sagði frá því á sínum tíma þegar Sveinn var ráðinn í stað Sjafnar Sigurgísladóttur en það var í desemberbyrjun 2010.
