*

sunnudagur, 5. desember 2021
Innlent 17. nóvember 2013 17:15

SVFR dregur saman seglin

Veiðin í Laxá í Dölum hefur ekki staðið undir væntingum.

Ritstjórn
Björgvin Guðmundsson

Stangaveiðifélag Reykjavíkur (SVFR) og Veiðifélag Laxdæla hafa komist að samkomulagi um að ljúka samstarfi félaganna um leigu á veiðirétti í Laxá í Dölum. Þar með er ljóst að Stangaveiðifélagið dregur enn saman seglin því áður hafði félagið misst, eða gefið frá sér, veiðirétt í Norðurá og á Nessvæðinu í Laxá í Aðaldal. „Veiðin í Laxá í Dölum hefur ekki staðið undir væntingum undanfarin þrjú ár og eftirspurn félagsmanna eftir veiðileyfum þar farið minnkandi,“ segir á vef SVFR. 

„Í ljósi minnkandi veiði var SVFR með til skoðunar breytt veiðifyrirkomulag á svæðinu, fluguveiði eingöngu og veiða og sleppa með það að markmiði að byggja ána upp á ný. En eftir ítarlega skoðun komst stjórn SVFR að þeirri niðurstöðu að ekki sé verjandi að vera með mikla fjárhagslega skuldbindingu á félaginu vegna Laxár í Dölum við þær aðstæður þegar byggja þarf ársvæði upp á ný.“

Stikkorð: SVFR