Hlutabréf í Sýn hækkuðu mest allra skráðra félaga í dag eða um 5,33% í 19 milljóna veltu. Næst mesta hækkunin kom frá Brim en þeir eiga einnig mestu veltu dagsins. Hlutabréf félagsins hækkuðu um 4,76% í 261 milljóna veltu. Origo kom þar á eftir en bréf félagsins hækkuðu um 2,41% í 252 milljóna veltu.

Af lækkunum dagsins ber helst að nefna Icelandair, en hlutabréf félagsins lækkuðu um 1,2% í 50 milljóna veltu. Hlutabréf Haga lækkuðu næst mest eða um 1,01% í 100 milljóna veltu og hlutabréf Arion lækkuðu um 0,79% í 161 milljóna veltu. Þá lækkaði Úrvalsvísitalan um 0,34%.

Heildarvelta á skuldabréfamarkaði nam 1,1 milljarði.