Svokölluð „boutique“ fjármálafyrirtæki hafa sum hver staðið kreppuna bet ur af sér en stóru bankarnir og taki yfirtökumarkaðurinn aftur við sér er framtíð þeirra björt. Þetta kemur fram í grein Financial Times, sem fjallað er um í Viðskiptablaðinu.
Þegar botni yfirtökusveiflunnar var náð um mitt ár 2012 mátti greina nokkur kaldhæðnisleg tilvik. Í júní þetta ár kynnti fyrirtækið Trian Partners, sem er í eigu aðgerðafjárfestisins Nelson Peltz, hugmyndir sínar um hvernig mætti snúa við rekstri ráðgjafafyrirtækisins Lazard. Þær voru í grunninn hefðbundnar tillögur um hagræðingu og betra stjórnskipulag. Gengi hlutabréfa Lazard var þá aðeins um helmingur af því sem það var á toppi markaðarins árið 2008.
Lazard var fornfrægt félag sem önnur fyrirtæki leituðu til þegar menn eins og Peltz gerðu atlögu að þeim, en þurfti nú að leita til hans. Markaðurinn í kringum yfirtökur var svo lélegur á þess um tíma að Lazard þurfti að skoða kostnaðarhliðina hjá sér, eins og ef um matvöruverslun væri að ræða. Staðan hefur vænkast töluvert á síðustu tveimur árum og er nú svo björt að annað lítið fjármála fyrirtæki, Moelis & Company, stefnir á skráningu á markað í þess ari viku. Þetta er fyrsta slíka skráningin í mörg ár.
Greenhill var skráð á markað 2004, Lazard árið 2005 og Evercore árið 2006. Svartsýnir menn gætu séð þessa nýjustu skráningu sem merki um að toppi markaðarins sé náð. Hlutabréf hafi hækkað gríðarlega undanfarin misseri og að snjallir bankamenn séu nú að losa um eignir sínar meðan þeir geta. Slíkir menn gætu hinsvegar ver ið að missa af góðu tækifæri í litlum bönkum, sem sérhæfa sig í ráðgjöf og eru ekki í fjármögnun eða miðlun eins og stærstu keppinautarnir.
Þessi „boutique“ fyrirtæki hafa verið að stækka markaðshlutdeild sína á kostnað stóru bankanna allt frá hruni, jafnvel í stórum flóknum við skiptum.
Nánar er fjallað um málið í Viðskiptablaðinu. Áskrifendur geta nálgast tölublaðið hér að ofan undir liðnum
Tölublöð
.