Hlutabréfaverð í Bandaríkjunum hækkaði heilt yfir í gær og endaði þar með lengsta bjarnarmarkað S&P vísitölunnar frá því á fimmtuga áratug síðustu aldar.
Örfá fyrirtæki bera þó ábyrgð á hækkun vísitölunnar síðustu mánuðina eins og Amazon, Tesla og örflöguframleiðandinn Nvidia.
Hækkun gærdagsins var ekki nema 0,6% en það dugði til þess að dagslokagengið væri 20% hærra en í október og uppfyllir því markaðsskilgreininguna á bolamarkaði.
Á sama tíma hækkaði Nasdaq um 1% og Dow Jones vísitalan um 0,5%.
Fjárfestar og greiningaraðilar bjuggust við því að vísitalan myndi enda á bolamarkaði í gær en stýrivaxtahækkun kanadíska Seðlabankans hægði á hækkuninni, þó ekki nema um einn dag.