Mosfellsbakarí ehf. tapaði 1,7 milljónum króna á síðasta ári. Afkoman var aftur á móti töluvert betri en ári fyrr þegar fyrirtækið tapaði 5,2 milljónum króna.
Rekstrarhagnaður Mosfellsbakarís fyrir afskriftir nam 11,3 milljónum króna. Aftur á móti námu afskriftirnar 11,5 milljónum króna og skilaði fyrirtækið því rekstrartapi sem nam tæplega 200 þúsund krónum.
Eignir félagsins námu 116 milljónum króna í lok ársins en skuldir voru 101 milljón króna. Eigið fé fyrirtækisins nam því 15 milljónum króna í árslok.
Félagið Flugnet á nær allt hlutafé í Mosfellsbakaríi eða 99%.
