Tap Rapyd Europe hf. fyrir árið 2020 nam 285 milljónum króna og tvöfaldaðist frá árinu áður, þegar það nam 146 milljónum króna. Þetta kemur fram í skýrslu Seðlabankans um heildarniðurstöður ársreikninga ársins 2020 hjá fjármálafyrirtækjum.
Sjá einnig: Virði Rapyd ríflega tvöfaldist
Eignir Rapyd í árslok 2020 námu 5,32 milljörðum króna miðað við 6,3 milljarða árið áður. Bókfært eigið fé nam 1,22 milljörðum króna og eykst um 17,3% á milli ára, úr 1,04 milljörðum króna.
Eiginfjárhlutfall félagsins nam 22,9% í lok árs miðað við 16,5% árið áður. Þá var eiginfjárgrunnur samstæðunnar 322 milljón krónur.
43 starfsmenn starfa hjá Rapyd og helst sá fjöldi óbreyttur á milli ára. Félagið var keypt af ísraelska fjártæknifyrirtækinu Rapyd Financial Network síðasta sumar en það hét áður Korta. Arik Shtilman er forstjóri Rapyd Financial Network og Garðar Stefánsson er forstjóri Rapyd Europe hf.