Konur sem misstu vinnuna í hruninu léttust á meðan þær sem héldu vinnunni þyngdust. Þá þyngdust menn sem héldu vinnunni í hruninu töluvert á meðan þyngd þeirra sem misstu vinnuna stóð í stað. Er þetta meðal niðurstaðna í rannsókn þeirra Tinnu Laufeyjar Ásgeirsdóttur, lektors við hagfræðideild HÍ, og Sifjar Jónsdóttur heilsuhagfræðings. Þær rannsökuðu holdafar Íslendinga fyrir og eftir hrunið. Bein tengsl eru á milli tekna og þyngdaraukningar hjá körlum.
„Fyrri rannsóknir hafa sýnt að fólk sem missir vinnuna þyngist. Þetta hefur verið erfitt að samrýma öðrum rannsóknum sem hafa sýnt að á tímum kreppu, þegar margir missa vinnuna, þá léttist fólk að jafnaði. Þess vegna vildum við skoða þyngdartap vegna atvinnumissis í kreppu,“ segir Tinna Laufey við Viðskiptablaðið.
Þá er áhugavert að einnar milljónar króna aukning í fjölskyldutekjum olli því að meðalkarlmaður þyngdist um 1,33 kíló, en aukningin var smávægileg hjá konum, eða 0,13 kíló.
Nánar er fjallað um málið í Viðskiptablaðinu sem kemur út á morgun. Á meðal efnis í blaðinu er:
- Einkaaðilar eltast við tryggingasvikara
- Ekkert varð af lækkun lúkningargjalda farsímafyrirtækja
- Skuldarar bíða afgreiðslu
- Aga skortir í rekstri ríkis og ríkisstofnana
- Hvernig eru fjárfestar að taka Bitcoin sjóði Winklevoss bræðra?
- Valdabarátta hefur fylgt erfiðleikum í rekstri Umami
- Í ársskýrslu FME um lífeyrissjóðina er að finna bjarta og dökka bletti
- Úttekt á fjármögnun fyrirtækja á menningarviðburðum fyrir og eftir hrun
- Bræðurnir Pétur Alan og Friðrik Guðmundssynir, kaupmenn í Melabúðinni, ræða reksturinn, samkeppnina við stóru keðjurnar og galdurinn á bak við vinsældir Melabúðarinnar í ítarlegu viðtali
- Skemmtilegasti vinnustaður á Íslandi - í samstæðum brennógalla
- Stórstjörnurnar snúa aftur
- Nærmynd af Kristínu Þ. Flygenring sem sat í rannsóknarnefnd um Íbúðalánasjóð
- Huginn & Muninn eru á sínum stað auk Týs sem tjáir sig um nýja sjónvarpsstöð Rúv
- Óðinn skrifar um vanda lífeyrissjóðanna, sérstaklega þá opinberu
- Þá eru í blaðinu myndasíður, pistlar og margt, margt fleira