*

miðvikudagur, 23. október 2019
Frjáls verslun 26. ágúst 2019 18:55

Tekjuhæsti presturinn með tæpar 2 milljónir

Kristján Valur Ingólfsson var tekjuhæsti presturinn á landinu í fyrra. Biskupinn Anges M. Sigurðardóttir fylgdi fast á hæla hans.

Ritstjórn

Kristján Valur Ingólfsson, fyrrverandi vígslubiskup í Skálholti, var tekjuhæsti presturinn á landinu í fyrra og námu tekjur hans að jafnaði rúmlega 1,8 milljónum króna á mánuði, samkvæmt álagningarskrám ríkisskattstjóra. 

Þetta er meðal þess sem fram kemur í tekjublaði Frjálsrar verslunar sem kom út á þriðjudag. Í blaðinu má finna upplýsingar um tekjur ríflega 3.700 Íslendinga. Að þessu sinnir eru tveir nýir flokkar í blaðinu. Annars vegar yfir tekjur áhrifavalda á samfélagsmiðlum og hins vegar fasteignasala.

Næst tekjuhæsti presturinn var Agnes M. Sigurðardóttir, biskup Íslands, en mánaðartekjur hennar námu að jafnaði 1,8 milljónum á mánuði.

Fimm tekjuhæstu prestar ársins 2018:

  1. Kristján Valur Ingólfsson, fv. vígslubiskup Skálholti 1,881 milljónir
  2. Agnes M. Sigurðardóttir, biskup Ísl. 1,820 milljónir
  3. Helga Soffía Konráðsdóttir, Háteigssókn 1,608 milljónir
  4. Sveinn Valgeirsson, dómkirkjupr. 1,582 milljónir
  5. Jón Helgi Þórarinsson, sóknarprestur, Hafnarfirði 1,574 milljónir

Útreikningar Frjálsrar verslunar byggja á útsvarsskyldum tekjur á árinu 2018 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna starfa á fyrri ára. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði.

Tekjublað Frjálsrar verslunar er komið út. Finna má blaðið á helstu sölustöðum en einnig má panta eintak hér

Stikkorð: verslunar Tekjublað 2019 Frjálsrar