Ríkisskattstjóri hefur lokið við álagningu opinberra gjalda á einstaklinga. Jafnframt hefur ríkisskattstjóri tekið saman lista yfir þá 60 einstaklinga sem greiða hvað hæstan skatt.
Efsta sæti listans skipar Guðbjörg Matthíasdóttir í Vestmannaeyjum en hún greiðir tæpar 343 milljónir. Í öðru sæti er Ingi Guðjónsson í Kópavogi en hann greiðir rúmar 198 milljónir í skatt.
Framteljendum á skattagrunnskrá fækkaði nú í fyrsta sinn í langan tíma. Laun og hlunnindi drógust saman um rúma 38 milljarða króna frá síðasta ári en atvinnuleysisbætur hækkuðu hins vegar um 16,7 milljarða króna. Þá nýttu tæplega 40 þúsund einstaklingar sér sérstakan rétt til að taka út séreignarlífeyrissparnað. Þessar staðreyndir þykja vera til marks um þær breytingar sem hafa átt sér stað í íslensku efnahagslífi.
Listi yfir 20 tekjuhæstu einstaklingana:
1. Guðbjörg M. Matthíasdóttir 342.679.024 kr.
2. Ingi Guðjónsson 197.416.281 kr.
3. Þorsteinn Hjaltested 119.698.507 kr.
4. Katrín Þorvaldsdóttir 115.717.819 kr.
5. Geirmundur Kristinsson 99.537.485 kr.
6. Lilja Össurardóttir 92.585.066 kr.
7. Bjarni Össurarson Rafnar 82.384.964 kr.
8. Helgi V. Jónsson 75.493.847 kr.
9. Árni Pétur Jónsson 70.906.044 kr.
10. Sigurður Sigurgeirsson 67.373.485 kr.
11. Ívar Daníelsson 65.406.892 kr.
12. Kári Stefánsson 65.316.734 kr.
13. Magnús Jónsson 60.501.136 kr.
14. Lárus Welding 57.329.037 kr.
15. Bjarni Ármannsson 55.703.433 kr.
16. Óttar Pálsson 55.298.506 kr.
17. Gunnar Halldór Sverrisson 54.490.548 kr.
18. Sverrir Sigfússon 54.144.126 kr.
19. Steinunn Jónsdóttir 53.478.485 kr.
20. Andri Már Ingólfsson 52.587.527 kr.