Afkoma Actavis plc., móðurfélags Actavis á Íslandi, jukust um 34% á milli ára á öðrum ársfjórðungi. Þessu greinir mbl.is frá.
Tekjur fóru fram úr vonum sérfræðinga og námu 2,67 milljörðum Bandaríkjadala, samanborið við 1,99 milljarða Bandaríkjadala á sama tímabili árið 2013. Ef ekki er tekið tillit til einskiptisliða hækkaði hagnaður á hlut í fyrirtækinu í 3,42 dollara samanborið við 2,01 dollara á sama tímabili í fyrra.
Hagnaður fyrir fjármagnsliði, skatta og afskriftir (EBITDA) nam 862 milljónum dala á öðrum ársfjórðungi 2014 samanborið við 474,5 milljónir dollara 2013. Á sama tíma numu haldbært fé og markaðsbréf 469,5 milljónum dollara.
Tekjur Actavis hafa aukist á síðustu tveimur ársfjórðungum. Paul Bisari, stjórnarformaður Actavis, sagði í samtali við Wall Street Journal að gott gengi félagsins væri meðal annars vegna vel heppnaðrar yfirtöku á bandaríska lyfjafyrirtækinu Forest Laboratories í febrúar.
