Tæknifyrirtækið Apple greindi frá því í gær að tekjur félagsins hefðu dregist saman í fyrsta skipti í 13 ár.
Í afkomutilkynningu félagsins kemur fram sölutekjur Apple hafi lækkað sem nemur 13% á öðrum ársfjórðungi. Fyrirtækið seldi 51,2 milljónir iPhone síma á tímabilin sem er töluverður samdráttur í sölu frá sama tímabili fyrir ári þegar fyrirtækið seldi 61,2 milljónir tækja.
Samdráttur í sölu fyrirtækisins í Kína hefur reynst fyrirtækinu sérstaklega þungbær, en salan minnkaði um heil 26% á svæðinu. Þá hefur styrking bandaríkjadollara einnig haft slæm áhrif.
Hlutabréf Apple lækkuðu um 8% í viðskiptum eftir lokun markaða í gær í kjölfarið af fréttunum. Hlutabréfin hafa því fallið um 20% síðustu tólf mánuði. Apple spáir 41 til 43 milljarða dollara sölutekjum á þessum ársfjórðungi en það er töluvert undir spám greiningaraðila.
