Tekjur bandaríska drykkjarframleiðandans Coca-Cola voru minni á öðrum ársfjórðungi en áætlanir gerðu ráð fyrir. Salan jókst í Asíu en dróst saman í Norður-Ameríku, Evrópu og Suður-Ameríku. Þessu greinir Bloomberg frá.
Tekjur fyrirtækisins á öðrum ársfjórðungi voru 12,6 milljarðar Bandaríkjadala sem er 1,4% minna en á sama ársfjórðungi í fyrra. Salan náði heldur ekki að standast spá um 12,8 milljarða dollara.
Sala jókst í Asíu, aðallega í Kína og á Indlandi eða um 8%. Í Norður-Ameríku voru það ávaxtasafar fyrirtækisins og Diet Coke sem ollu því að salan var ekki jafn góð og væntingar höfðu staðið til.
Vonbrigði urðu vegna þess að engin sölu aukning varð í Norður Ameríku þrátt fyrir stærðarinnar markaðsherferð út af heimsmeistarakeppninni í fótbolta og „njóttu coke með..." herferð.