Yfirtaka Landsbankans [ LAIS ] og Cenkos Securities á viðskiptabankanum Close Brothers er á lokastigum, ef marka má heimildamann The Daily Telegraph í frétt sem birtist í dag.
Samkvæmt heimildamanni The Daily Telegraph gæti jafnvel verið tilkynnt um kaupin í þessari viku.
Annar heimildamaður blaðsins sagði að hlutirnir gerðust hratt en vikur frekar en dagar gætu verið í tilboð sem stjórn Close Brothers styður.
Ekki þarf lengi að bíða þar til áreiðanleikakönnun á Close Brothers verði lokið, að því er fram kemur í fréttinni.
Ef af kaupunum verður, kaupir Landsbankinn bankahluta Close Brothers, en Cenkos Securities eignastýringarsviðið og fyrirtækjaráðgjöfina.
