*

miðvikudagur, 13. nóvember 2019
Innlent 7. nóvember 2019 12:15

Telja líkur á frekari vaxtalækkun

IFS Greining fjallar um vaxtalækkun Seðlabankans og setur spurningarmerki við hvort lækkunarferlinu sé lokið.

Ritstjórn
Ásgeir Jónsson seðlabankastjóri og Þórarinn G. Pétursson, aðalhagfræðingur Seðlabankans.
Haraldur Guðjónsson

IFS Greining fjallar um ákvörðun peningastefnunefndar í gær að lækka stýrivexti um 25 punkta í 3%. Rökstuðningi bankans er gerð skil í umfjölluninni og farið er yfir helstu breytingar í nýrri hagspá miðað við síðustu spá bankans frá því í sumar. 

Þá er staldraða við fyrirvara sem settur er fram í yfirlýsingu nefndarinnar. „Mikil áherla kom fram um óvissu á alþjóðamörkuðum og raungerast neikvæðari sviðsmyndir má reikna með að fyrirliggjandi efnahagsspá sé of bjartsýn,“ segir IFS Greining. 

Vísar Greiningin til rammgreinar í Peningamálum, sem kom út í gær, um hagfræðinginn Knut Wicksell og hugtakið jafnvægisraunvextir. „Þetta eru sem sagt þeir vextir sem tryggja verðstöðugleika samhliða fullri nýtingu framleiðsluþátta – að teknu tilliti til aðlögunartíma (=miðlunarferli peningastefnunnar tekur tíma). Hlutverk peningastefnunnar er að tryggja þetta samræmi og er því í eðli sínu framsýnt enda eru jafnvægisraunvextir á sérhverjum tíma ekki þekkt stærð.“ 

Svör bankastjórans og aðalhagfræðings bankans við því hvort nafnvextir bankans væru komnir á þann stað sem tryggja myndi ofannefnt, sló greinendur IFS. „ Annar – bankastjórinn – tiltók óvissu í núverandi hagspá með áherslu á neikvæðari sviðsmyndir á meðan hinn – aðalhagfræðingurinn – tiltók að núverandi stýrivextir væru 1-1,5 prósentustigum lægri en fyrirliggjandi mat bankans á jafnvægisraunstýrivextum væri.

Hugsanlega erum við að lesa of mikið í þessi svör bankamannanna en okkar sýn fellur ágætlega með þeim fyrri og teljum við því all nokkrar líkur á enn frekari vaxtalækkunum – jafnvel þegar í desember,“ segir í umfjöllun IFS Greiningar.