*

föstudagur, 25. júní 2021
Erlent 10. apríl 2021 17:02

Tesla stefnir á Indland

Tesla er á höttunum eftir þremur sýningarrýmum í þremur mismunandi borgum á Indlandi. Stefna á að hefja sölu á Model 3 um mitt ár.

Ritstjórn
Aðsend mynd

Tesla er á höttunum eftir þremur sýningarrýmum í þremur mismunandi borgum á Indlandi. Mun þetta vera liður í áætlunum rafbílaframleiðandans að herja inn á Indverska markaðinn. Reuters greinir frá.

Í janúar stofnaði Tesla félag í Indlandi utan um stefsemina þar í landi. Hyggst félagið hefja sölu á Model 3 bifreiðinni um mitt ár og ku markhópurinn vera velstæðir íbúar landsins. 

Sýningarrýmin sem Tesla er á höttunum eftir eru sögð þurfa að vera á bilinu 1850 til 2790 fermetrar að stærð. Borgirnar þrjár sem fyrr hafa verið nefndar eru sagðar vera höfuðborgin New Delhi, viðskiptaborgin Mumbai og tækniborgin Bengaluru.

Stikkorð: Indland Tesla