Héraðsdómur Reykjavíkur hefur dæmt Gunnar Sigurðsson, fyrrverandi forstjóri Baugs, þarf að greiða þrotabúi BGE Eignarhaldsfélags tæpa 1,7 milljarða króna vegna láns sem hann fékk hjá félaginu til kaupa á hlutabréfum í Baugi. Kaupþing lánaði BGE Eignarhaldsfélagi fjármagn sem félagið lánaði svo starfsmönnum Baugs til að kaupa hlutabréfin. Engar eignir voru inni í BGE Eignarhaldsfélagi.
Tólf starfsmenn og stjórnendur Baugs stofnuðu félagið utan um hlutafjáreign sína í Baugi var stofnað síðla árs 2003. Í lok árs 2007 námu lánveitingar BGE Eignarhaldsfélags til starfsmanna Baugs 3,4 milljörðum króna. Lánin voru fjármögnuð með lánum frá Kaupþingi og veitt gegn veðum í bréfunum sjálfur.
Stærstu hluthafarnir í BGE Eignarhaldsfélagi voru Jón Ásgeir Jóhannesson, fyrrverandi starfandi stjórnarformaður Baugs, Gunnar, Stefán Hilmarsson, fyrrverandi fjármálastjóri Baugs, og Skarphéðinn Berg Steinarsson, fyrrverandi framkvæmdastjóri Baugs. Lán til þeirra námu á sínum tíma 1,4 milljörðum króna.
