Margaret Thatcher, sem gegndi stöðu forsætisráðherra í Bretlandi frá árinu 1979 til 1990, hefur verið valinn áhrifamesta kona síðustu 200 ára í breskri könnun. Reuters greinir frá þessu.
Thatcher, sem lést fyrir tæpum þremur árum, var bæði dáð en líka umdeild í heimalandi sínu ekki síst fyrir harða stefnu gegn verkalýðsfélögum, einkavæðingarstefnu og Falklandseyja-stríðið. Hún var og er fyrsta konan til að gegna embætti forsætisráðherra í Bretlandi og leiddi Íhaldsflokkinn til sigurs í þrennum kosningum í röð.
Um 28 prósent Breta telja Thatcher áhrifamestu konuna. Í öpru sæti var Marie Curie með 24% og þar á eftir Elísabet II drottning með 18% og Díana prinsessa með 17%. Athygli vekur að þriðjungur karla valdi Thatcher áhrifamestu konuna en einungis fjórðungur kvenna.
Kvenréttindakonan Emmeline Pankhurst í fimmta sæti og móðir Teresa í því sjötta. Þá kom breska hjúkrunarkonan Florence Nightingal, Viktoría Bretadrottning og bandaríska mannréttindakonan Rosa Parks. Bandaríska sjónvarpskonan Oprah Winfrey var í tíunda sæti.
