Þekking hf. hefur ráðið til starfa þrjá sérfræðinga á hið nýstofnað svið Viðskiptaþróun og ráðgjöf, þá Stefán Örn Stefánsson, Sigurð Pétur Oddsson og Bæring Logason. Með ráðningunni starfa nú sjö sérfræðingar í ráðgjöf á sviði upplýsinga- og öryggistækni.

Sviðinu er stýrt af Guðmundi Arnari Þórðarssyni og leiðir það ráðgjöf, sérfræðiþjónustu og verkefnastjórnun hjá Þekkingu með það að leiðarljósi að stuðla að bestu mögulegu nýtingu upplýsingatækni.

Stefán Örn Stefánsson
Stefán Örn Stefánsson
© Aðsend mynd (AÐSEND)
Stefán Örn Stefánsson , ráðgjafi, starfaði m.a. sem sviðsstjóri upplýsingatæknisviðs Kynnisferða, sem kerfisstjóri hjá Nova og Actavis auk þess sem hann tók þátt í uppbyggingu á sjónvarpi Símans. Stefán Örn hefur hlotið fjölda vottana á hinum ýmsu sviðum upplýsingatækni. Stefán Örn mun m.a. sinna verkefnastýringu, MS Dynamics ráðgjöf og starfa sem vCIO.

Sigurður Pétur Oddsson
Sigurður Pétur Oddsson
© Aðsend mynd (AÐSEND)
Sigurður Pétur Oddsson , verkefnastjóri, hefur undanfarin sjö ár starfað sem verkefnastjóri og síðar vörustjóri hjá Sýn, áður Vodafone.  Sigurður Pétur er með B.Sc í Viðskipta- og markaðsfræði og meistaragráðu í markaðsfræði frá Háskólanum á Birfröst. Hann mun leiða verkefnastýringu stærri verkefna auk þess að sinna vöruþróun.

Bæring Logason
Bæring Logason
© Aðsend mynd (AÐSEND)
Bæring Logason ,  upplýsingaöryggisstjóri, hefur undanfarin sex ár unnið að upplýsingaöryggis- og gæðamálum hjá Sýn, áður Vodafone. Bæring er menntaður rekstarverkfræðingur frá Háskólanum í Reykjavík og með meistaragráðu í gæðastjórnun frá Florida Instititute of Technology.

Bæring mun sinna rekstri stjórnkerfis upplýsingaöryggis Þekkingar ásamt því að veita viðskiptavinum ráðgjöf varðandi málefni tengd upplýsingaöryggi.