*

sunnudagur, 17. janúar 2021
Fólk 8. janúar 2021 14:10

Þóra stýrir rekstrarsviði Seðlabankans

Landsliðskonan fyrrverandi Þóra B. Helgadóttir tekur við sem framkvæmdastjóri rekstrarsviðs Seðlabankans.

Ritstjórn
Þóra B. Helgadóttir framkvæmdastjóri rekstrarsviðs Seðlabankans og fyrrverandi landsliðskona í knattspyrnu.

Þóra B. Helgadóttir hefur verið ráðin framkvæmdastjóri rekstrarsviðs Seðlabanka Íslands.

Hún hóf störf hjá Greiðsluveitunni, sem er í eigu Seðlabankans árið 2015 sem sem verkefnastjóri Draupnis en tók tímabundið við stöðu framkvæmdastjóra rekstrarsviðs 2019.

Þóra var markvörður kvennalandsliðsins í knattspyrnu um langt árabil og er einn leikjahæsti leikmaður landsliðsins með 108 landsleiki. Hún lék lengi erlendis sem atvinnumaður í Belgíu, Svíþjóð og Ástralíu. 

Í tilkynningu á vef Seðlabankans segir að árin 2009-2014 var Þóra atvinnumaður í knattspyrnu og starfaði sem stjórnandi á fjármálasviði Deutsche Post World Net frá 2007 til 2009. Þóra er með BA-gráður í sagnfræði og stærðfræði frá Duke University og MS-gráðu í stjórnun frá Malmö Universitet.