Þorbjörn Þórðarson hefur sagt upp hjá Stöð 2, eftir að hafa starfað þar sem fréttamaður í tíu ár. Frá þessu er greint á vef Fréttablaðsins .
Hann fékk nýverið málflutningsréttindi fyrir héraðsdómi og hefur störf í lögmennsku í byrjun september.
„Þorbjörn tilkynnti samstarfsfólki sínu þetta í morgun og segir í samtali við Fréttablaðið að nú sé komið að kaflaskilum, sem leggist nokkuð vel í hann. Í tölvupósti sem Þórir Guðmundsson, fréttastjóri Stöðvar 2, sendi starfsfólki segir að lögfræðin hafi orðið fréttamennskunni yfirsterkari og að starfslokin séu í góðri sátt," segir í fréttinni.
