Þórður Magnússon, stjórnarformaður Eyris Invest, gefur ekki kost á sér áfram í stjórn stoðtækjafyrirtækisins Össurar. Stjórn fyrirtækisins hefur fyrir næsta aðalfund félagsins í mars lagt til að núverandi stjórnarmenn verði endurkjörnir og að Guðbjörg Edda Eggertsdóttir, forstjóri Actavis, komi inn í stað Þórðar.
Eyrir Invest var á meðal helstu hluthafa Össurar um nokkurra ára skeið. Félagið átti rúman 10% hlut í félaginu en seldi hann seint í maí árið 2010.
Þeir sem tilnefndir eru til stjórnar eru eftirfarandi:
- Niels Jacobsen, stjórnarformaður Össurar
- Kristján Tómas Ragnarsson
- Arne Boye Nielsen
- Svafa Grönfeldt
- Guðbjörg Edda Eggertsdóttir