Þriðjungur vill halda Jóhönnu í formannssætinu

Rétt rúmur þriðjungur stuðningsmanna Samfylkingarinnar (36,1%) treysta Jóhönnu Sigurðardóttur forsætisráðherra best til að gegna embætti formanns Samfylkingarinnar. Kemur þetta fram í nýrri skoðanakönnun, sem MMR vann fyrir Viðskiptablaðið.

Næst á eftir koma Guðbjartur Hannesson velferðarráðherra með 28,3% stuðning flokkssystkina sinna og Dagur B. Eggertsson, varaformaður flokksins, með 17,2% stuðning.

Þá styðja 9,7% Samfylkingarfólks sem þátt tók í könnuninni Össur Skarphéðinsson utanríkisráðherra sem formann flokksins en 8,7% Árna Páli Árnasyni, efnahags- og viðskiptaráðherra.

Nánar er fjallað um málið í Viðskiptablaðinu sem kom út í dag. Áskrifendur geta nálgast blaðið hér að ofan undir liðnum Tölublöð.