Seðlabanki Íslands og Eignasafn Seðlabanka Íslands ehf. voru sýknuð í Hæstarétti af tæplega tveggja milljarða kröfu félagsins Ursus ehf. sem er í eigu Heiðar Guðjónssonar fjárfestis. Þar með staðfesti Hæstiréttur dóm Héraðsdóms Reykjavíkur sem féll í apríl í fyrra. Hægt er að lesa dóm Hæstaréttar hér.

Heiðar hugðist kaupa 8,77% hlut í Sjóvá af ESÍ árið 2010. Ursus hélt því fram að Seðlabanki Íslands og Eignarsafn Seðlabanka Íslands hafi ekki staðið við bindnandi kaupsamning. Talið var að ekki hafi tekist að sanna að þeir sem hafi komið að samkomulaginu frá ESÍ hafi haft umboð til að undirrita endanlegan kaupsamning og því hafi svo verið litið á að Ursus hefði af fúsum og frjálsum vilja sagt sig frá söluferlinu, áður en kaupsamningur var gerður.

Í dómsorðum segir að stefndu, Seðlabanki Íslands og Eignasafn Seðlabanka Íslands, eru sýknuð af kröfum stefnanda, Ursusar ehf. og að málskostnaður falli niður. Ursus þarf að greiða Seðlabanka Íslands og ESÍ hvorum um sig tvær milljónir króna í málskostnað í héraði og Hæstarétti.