Ragnheiður Elín Árnadóttir, ráðherra ferðamála, segir að unnið sé að því að einfalda regluverk í ferðaþjónustu og raunar var málið á dagskrá ríkisstjórnarinnar á þriðjudag. Í ræðu á aðalfundi Samtaka ferðaþjónustunnar í síðustu viku sagði hún núverandi kerfi of þungt í vöfum og tók hún dæmi af ferðaþjónustu fyrirtæki sem hafði lent í klóm regluverksins.
„Fyrirtæki fyrir norðan þurfti að skila inn 55 leyfistengdum skjöl um til sjö opinberra stofnana til að stofna ferðaþjónustufyrirtæki,“ sagði Ragnheiður Elín og bætti því við að fyrirtækið hefði sótt um leyfi fyrir gistingu, matsölu og af þreyingu.
„Það þarf ekki að hafa mörg orð um þessa framkvæmd. Hún er allt of flókin og íþyngjandi og þessi frumskógur hlýtur að vera óþarfur. Ferðamálastofa hefur yfirum sjón með þessu verkefni og hefur verið að taka starfsumhverfi ferðaþjónustunnar til gagngerrar skoðunar með það að markmiði að einfalda og auðvelda allt regluverk eins og kostur er. Von er á tillögum úr þessari vinnu um næstu mánaðamót.“
Nánar er fjallað um málið í Viðskiptablaðinu. Áskrifendur geta nálgast tölublaðið hér að ofan undir liðnum Tölublöð .
