Lögmaðurinn Þórarinn Þorgeirsson hefur gengið til liðs við Dranga lögmenn sem einn af eigendum stofunnar. Áður starfaði Þórarinn sem framkvæmdastjóri lögfræðisviðs Kaupþings ehf.

Í tilkynningu frá Dröngum segir að Þórarinn hafi áralanga reynslu af verkefnum á sviði banka og fjármagnsmarkaða, félagaréttar, fjármögnun fyrirtækja, gjaldþrotaréttar, fjárhagslegrar endurskipulagningar auk yfirtöku og samruna.

Hjá Kaupþingi hafi Þórarinn umsjón með lögfræðivinnu í tengslum við endurskipulagningu og nauðasamning félagsins í kjölfar slitameðferðar þess auk tvíhliða skráningar Arion, fyrrum dótturfélags Kaupþings, á OMX í Reykjavík og Stokkhólmi.