*

sunnudagur, 1. ágúst 2021
Innlent 26. mars 2015 17:53

Tilbúinn að skoða gagnkvæma eftirgjöf tolla

Sigurður Ingi Jóhannsson, sjávarútvegs- og landbúnaðarráðherra, segir íslensk matvæli hafa góða ímynd á erlendri grundu.

Ritstjórn
Haraldur Guðjónsson

Sjávarútvegs- og landbúnaðarráðherra hélt því fram á aðalfundi Landssamtaka sauðfjárbænda í dag að hann væri tilbúinn að skoða gagnkvæma eftirgjöf á tollum á landbúnaðarvörum. Íslenskar landbúnaðarafurðir væru fyllilega samkeppnishæfar við það sem þekktist í nágrannalöndum okkar.

Á fréttavef Bændablaðsins er eftirfarandi haft eftir Sigurði Inga: „Þá kemur sú spurning upp í hugann hvort Ísland eigi að semja um gagnkvæma niðurfellingu tolla á kindakjöti, til dæmis við ESB. Ég hef ekki mótað mér afstöðu í þessu máli, en við og þið þurfum  að hafa þor og kjark til að taka þessa umræðu. Ég minni á að ekki kemur til greina af Íslands hálfu að fella niður tolla einhliða. Slíkt gerist eingöngu með gagnkvæmum samningum."

Þá sagði hann að íslensk matvæli hefðu góða ímynd á erlendri grundu og jafnframt væri eðlilegt að fluttur væri inn sá matur sem ekki væri hægt að framleiða hér á landi.