Icelandair Group heldur nafnbótinni stærsta fyrirtæki landsins samkvæmt bókinni 300 stærstu sem var að koma út. Icelandair hefur verið efst á listanum sex ár í röð.Líkur eru á að það breystist á næstunni. Icelandair hyggst selja hótel samstæðunnar og Marel vaxið hratt á undanförnum misserum. 22% tekjuvöxtur var hjá Marel í fyrra sem er það fyrirtæki sem var með næst mesta veltu.
Eitt fyrirtækið dettur út af lista yfir tíu stærstu fyrirtæki landsins á milli ára. Það er Samherji en rekstri félagsins var skipt upp á síðasta ári í tvö félög. Samherji hf. heldur utan um innlendan rekstur en Samherji Holding hf., heldur á erlendum rekstri Samherja. Í stað Samherja kemur Össur inn á listann en tekjur Össurar jukust um 9% á milli ára.
Átta félög af tíu stærstu fyrirtækjunum voru rekin með hagnaði. Icelandair og Alcoa voru einu félögin af þeim tíu stærstu sem rekin voru með tapi á síðasta ári. 6 milljarða króna tap var hjá Icelandair Group en ríflega 900 milljóna króna tap hjá Alcoa.
Tíu stærstu fyrirtæki landsins eftir veltu í milljónum króna. Veltubreyting milli ára er innan sviga.
- Icelandair Group hf 163.714 (8%)
- Marel hf. 153.008 (22%)
- Eimskipafélag Íslands hf. 88.026 (10%)
- Alcoa Fjarðaál sf. 84.921 (9%)
- Hagar hf. 84.921 (14%)
- Landsbankinn hf. 84.185 (4%)
- Íslandsbanki hf. 82.351 (5%)
- Norðurál Grundartangi ehf. 81.536 (16%)
- Arion banki hf. 77.476 (-18%)
- Össur hf. 66.425 (9%)
Nánar er fjallað um afkomu 300 stærstu fyrirtækja landsins í bókinni 300 stærstu sem var að koma út. Hægt er að kaupa eintak af bókinni hér .
