Þegar Bandaríkjamenn eru spurðir um helsta aðsteðjandi vanda í landi þeirra, sem ekki þoli neina bið að reyna að leysa kennir þar ýmissa grasa, sem fæst koma svo sem á óvart.
Þó vekur það sérstaka athygli hvað skáldaðar fréttir, falsfréttir eða rangar upplýsingar eru þar ofarlega á blaði. Aðeins fjórir málaflokkar komast ofar og um helmingur þjóðarinnar vestra hefur „mjög miklar“ áhyggjur af þeim, ef marka má könnun sem gerð var í vor og byggir á svörum liðlega sex þúsund manns.
Fæstir kenndu þó blaðamönnum um, heldur stjórnmálafólki, spunakerlingum þeirra og pólitískum aðgerðasinnum.
