Samantekt í gagnagrunni Fjölmiðlavaktarinnar á ljósvaka fréttum um forsetaframbjóðendur í maí sýnir að forsetinn nýtur enn sem fyrr verulegs forskots á aðra frambjóðendur. Við það þarf ekki að vera neitt athugavert, forsetinn sinnir ýmsum fréttnæmum embættisskyldum, sem ekki tengjast kosningabaráttunni með beinum hætti.
Af tölum Fjölmiðlavaktarinnar verður heldur ekki annað séð en að Ríkisútvarpið (RÚV) teygi sig mun lengra en Stöð 2 og Bylgjan í að gæta jafnvægis milli frambjóðenda. Og vel það, því RÚV fjallaði nákvæmlega jafnmikið um forsetann og Ástþór Magnússon, en ríflega þriðjungi minna um Þóru Arnórsdóttur.
