*

laugardagur, 4. júlí 2020
Innlent 19. maí 2018 09:01

Tölfræði fjölmiðla: Við fréttagáttir

Reuters-stofnunin við Oxford-háskóla gengst reglulega fyrir víðtækum könnunum um fjölmiðla og neytendahegðun.

Ritstjórn
Helstu leiðir að fréttum meðal 70.000 fréttaneytenda í 36 helstu fjölmiðlamörkuðum heims

Reuters-stofnunin við Oxford-háskóla gengst reglulega fyrir víðtækum könnunum um fjölmiðla og neytendahegðun og athugar m.a. hvernig fólk nálgast helst fréttir. Um þriðjungur fer beint í fjölmiðla (hefðbundna eða á vefnum), um fjórðungur notar leitarvélar, og annað eins félagsmiðla.

Töluverður munur er á löndum að þessu leyti. Bretar og Norðurlandaþjóðir leita þannig helst frétta í fjölmiðlum milliliðalaust, meðan félagsmiðlar eru aðalfréttagáttirnar í Austur-Evrópu og Rómönsku Ameríku. Víða í Asíu leita menn hins vegar helst frétta á gáttum eins og Yahoo! í Japan eða netrisum á heimavelli líkt og Naver og Daum í Kóreu.