Verslun Tölvulistans í Reykjavík flytur í nýtt húsnæði á laugardaginn. Verslunin hefur verið til húsa í Nóatúni 17 og er á leiðinni á Suðurlandsbraut 26. Sæmundur Einarsson, verslunarstjóri Tölvulistans í Reykjavík, segir að nýja húsnæðið sé um þrisvar sinnum stærra en það í Nóatúninu. „Vörurnar munu fá meira pláss til að njóta sín á nýja staðnum og við gerum ráð fyrir því að umferðin muni aukast í kjölfarið.“
Annars segir Sæmundur að árið í ár hafi verið mjög gott og vel í samræmi við áætlanir fyrirtækisins. Tölvulistinn hefur þess vegna verið að bæta við sig starfsfólki.
