*

miðvikudagur, 17. júlí 2019
Innlent 22. janúar 2019 08:33

Toyota innkallar bíla vegna loftpúða

Toyota á Íslandi þarf að kalla inn 2.245 bíla frá árunum 2003-2008 og 2015-2018 vegna galla í loftpúðum.

Ritstjórn
Yfir tveir af hverjum þremur bílum sem um ræðir eru af gerðinni Toyota Yaris af árgerðunum 2015-2018.
Aðsend mynd

Innkalla þarf Toyota bifreiðar af árgerðunum 2003-2008 og 2015-2018, nánar tiltekið Auris og Corolla tegundir frá fyrra tímabilinu, og Yaris og Hilux frá því seinna. Þetta kemur fram í tilkynningu á vef Neytendastofu.

Eigendum þeirra bíla sem um ræðir verður tilkynnt um innköllunina bréfleiðis. Ástæðan er hugsanlegur galli í loftpúðum bifreiðanna, og innköllunin er hluti af alþjóðlegri innköllun, sem er sögð mega rekja til loftpúðaframleiðandans Takata.

Við innköllun er skipt um loftpúða, eða hluta af honum, að því er fram kemur, og getur aðgerðin tekið frá einni til fimm klukkustunda.

Alls er um 2.245 bíla að ræða, en um 70% þeirra, eða 1.556 eintök, eru 1-4 ára Yaris bílarnir. Nýlegu Hilux bílarnir eru 176 talsins, 10-15 ára Aurisarnir 317, og Corollurnar gömlu eru 23.

Stikkorð: Toyota Yaris Corolla Auris Hilux
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is