Tryggingamiðstöðin hf. hefur keypt 67.000 hluti í norska tryggingafélaginu NEMI Forsikring ASA, segir í tilkynningu Kauphallarinnar.

Heildar eignarhluti TM í NEMI nemur því að nafnvirði 12.767.555 hlutum eða sem svara til 90.001% af útgefnu hlutafé í NEMI, segir í tilkynningunni.

Þann 4. ágúst 2006 móttók TM samþykki frá Fjármálaeftirliti Noregs (FMEN/Kredittilsynet) þar sem TM var heimilað að eiga milli 74,5 og 100% af útistandandi hlutum í NEMI.