Vinnumálastofnun fékk tvær tilkynningar um hópuppsagnir í síðasta mánuði þar sem 41 starfsmanni var sagt upp störfum í fiskvinnslu. Greint er frá þessu á vef stofnunarinnar .
Þar kemur fram að flestar uppsagnirnar taki gildi í desember 2015.
Á tímabilinu janúar til ágúst 2015 hafa 11 tilkynningar um hópuppsagnir borist Vinnumálastofnun þar sem 295 manns hefur verið sagt upp störfum.
Þetta eru fleiri tilkynningar en bárust stofnuninni á öllu síðasta ári, en þá voru þær tíu talsins þar sem 231 starfsmanni var sagt upp.
