*

laugardagur, 4. desember 2021
Fólk 5. október 2021 09:48

Tveir nýir stjórnendur til Samherja

Samherji hefur ráðið tvo sjávarútvegsfræðinga í stjórnendastöður í fiskeldisstöð sinni í Sandgerði.

Ritstjórn

Halldór Pétur Ásbjörnsson og Sunneva Ósk Þóroddsdóttir hafa verið ráðin til Samherja í Sandgerði sem stjórnendur, en bæði eru sjávarútvegsfræðingar frá Háskólanum á Akureyri. Þetta kemur fram í tilkynningu á vef félagsins.

Halldór Pétur verður rekstrarstjóri vinnslu í Sandgerði. Hann lauk meistaragráðu í auðlindafráðum frá Háskólanum á Akureyri árið 2011, sjávarútvegsfræðum frá sama skóla árið 2009, og fiskeldisfræðum frá Háskólanum á Hólum árið 2006. Halldór hefur starfað sem verk- og verkefnastjóri í fiskiðjuveri Brims síðastliðinn áratug.

 

Sunneva Ósk verður gæðastjóri vinnslu í Sandgerði. Hún er sjávarútvegs- og viðskiptafræðingur frá Háskólanum á Akureyri og hefur starfað í sjávarútvegi frá fjórtan ára aldri, en hún starfaði hjá Arion banka samhliða náminu. Sunneva er Sandgerðingur.

Stikkorð: Samherji