*

mánudagur, 19. apríl 2021
Innlent 8. mars 2021 13:41

Twitter vill íslenska forritara

Stofnandi Ueno, sem nýverið sameinaðist Twitter, auglýsir eftir forriturum til starfa hér á landi.

Jóhann Óli Eiðsson
Haraldur Þorleifsson er stofnandi Ueno.
Haraldur Guðjónsson

„Íslenskir framendaforritarar: Twitter er að ráða á Íslandi. Sendið mér DM!“ segir í tísti Haralds Þorleifssonar, stofnanda Ueno, sem birt var rétt í þessu. Í upphafi árs keypti samskiptamiðillinn Twitter forrit hans og hefur sameinað þau.

Um miðjan síðasta mánuð stofnaði Twitter kennitölu fyrir útibú sitt hér á landi. Eftir að Ueno var tekið yfir hefur Haraldur gefið það út að hann muni starfa fyrir Twitter héðan úr Reykjavík og nú er ljóst að íslenskum forriturum mun standa hið sama til boða.

Ueno var stofnað árið 2014 og sex árum eftir stofnun þess nam veltan 2,1 milljörðum króna og eignir þess 844 milljónum króna. Félagið er með starfstöðvar í bandarísku borgunum New York, Los Angeles og San Francisco. Söluverð hefur ekki verið gefið upp en áætlað er að það hlaupi á milljörðum. Haraldur hefur gefið það út að allir skattar og gjöld af hagnaðinum muni verða greiddir hér á landi.

Ekki kemur fram í auglýsingunni í hverju störf forritaranna munu felast eða hve mörg störf eru í boði en í svari Haraldar við fyrirspurn blaðamanns kemur fram að ekkert hámark sé á störfum sem standa til boða.

Stikkorð: Twitter Ueno