Síðasti starfsdagur ráðgjafafyrirtækisins Capacent var í dag, og mun félagið óska eftir gjaldþrotaskiptum á morgun að því er Vísir greinir frá og Viðskiptablaðið hefur fengið staðfest.

Um fimmtíu starfsmenn hafa starfað hjá fyrirtækinu, meirihlutinn ráðgjafar við ráðningar og stefnumótun, en þeir eru sagðir hafa fengið að vita af rekstrarerfiðleikum félagsins fyrir tíu dögum síðan.

Capacent var upphaflega stofnað árið 1983 í Svíþjóð, en félagið hefur verið með skrifstofur þar í landi, hér og í Finnlandi.