Ríkissafn Íslandssjóða hefur hlotið góðar viðtökur fjárfesta frá stofnun sjóðsins í byrjun desember, en sjóðurinn fjárfestir eingöngu í ríkistryggðum skuldabréfum með stuttan líftíma og innlánum fjármálastofnana.
Þetta kemur fram í tilkynningu frá Íslandsbanka en rekstraraðili Ríkissafnsins er Íslandssjóðir, dótturfélag Íslandsbanka.
Þá kemur fram að um eitt þúsund aðilar, bæði einstaklingar og fagfjárfestar, hafa fjárfest í sjóðnum fyrir rúma 6 milljarða króna.
Fjárfestingastefna Ríkissafnsins er að fjárfesta 70% af eignum í ríkisskuldabréfum og 30% í innlánum fjármálastofnana. Heimilt er að auka vægi ríkisskuldabréfa upp í 100% og einnig er heimilt að auka vægi innlána í 50% og draga á móti úr vægi ríkisskuldabréfa.