Frestur til að sækja um stöðu útvarpsstjóra hefur verið framlengdur til 12. janúar næstkomandi. Upphaflega átti fresturinn að renna út næstkomandi mánudag.
Páll Magnússon útvarpsstjóri sagði upp störfum þann 17. desember síðastliðinn og hefur Bjarni Guðmundsson, aðstoðarmaður útvarpsstjóra, gegnt starfi hans frá þeim tíma.
Ráðningarferlið er í höndum Capacent og verður ákvörðun um ráðningu tekin í samvinnu við stjórn RÚV.
