*

miðvikudagur, 19. júní 2019
Fólk 2. janúar 2014 14:53

Unnar Bergþórsson ráðinn verkefnastjóri hjá Pipar\Travel

Auglýsingastofan Pipar/TBWA hefur stofnað deild sem veitir fyrirtækjum í ferðaþjónustu sérfræðiráðgjöf í markaðsmálum.

Ritstjórn
Aðsend mynd

Unnar Bergþórsson hefur verið ráðinn verkefnastjóri hjá Pipar/Travel, sérstakri deild sem auglýsingastofan Pipar\TBWA hefur sett á laggirnar. Deildinni er ætlað að veita íslenskum ferðaþjónustufyrirtækjum sérfræðiþjónustu í markaðsmálum. Hjá Pipar/TBWA vinna 45 manns.

Í tilkynningu frá auglýsingastofunni segir framkvæmdastjórinn Valgeir Magnússon um Pipar/Travel að breyting hafi orðið á ferðaþjónustunni í kjölfar gríðarlegrar fjölgunar erlendra ferðamanna til landsins. Ferðamenn ákveði sig yfirleitt að megninu til hvað þeir ætli að gera hér áður en þeir komi. Flest fyrirtæki í ferðaþjónustu hafi úr minna markaðsfé að spila en þau fyrirtæki sem stofurnar vinna mest fyrir. Þess vegna sé mikilvægt að straumlínulaga þjónustuna með stuttum boðleiðum og einfaldri, áhrifaríkri markaðssetningu.

„Fram að þessu hefur hefðbundin þjónusta auglýsingastofa ekki hentað þessum geira sérlega vel þar sem varan sem verið er að selja er eðlisólík annarri vöru og markaðssetningin er ólík annarri ímyndaruppbyggingu. Engin auglýsingastofa hefur sérhæft sig í þessari grein markaðsþjónustu á Íslandi og okkur fannst full ástæða til að ráða bót þar á til að anna eftirspurn ferðaþjónustufyrirtækja eftir markaðsþjónustu og ráðgjöf. Við höfum verið að kortleggja þetta í marga mánuði og undirbúa okkur vel.“

Valgeir Magnússon hjá Pipar/TBWA.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is