Slitastjórn Spron Verðbréfa vinnur að nauðasamningi fyrir félagið og hefur lagt fram frumvarp að slíkum samningi. Stjórnin hefur boðað kröfuhafa til fundar þar sem frumvarp að nauðasamningi verður kynntur í þaula.
Skrá yfir atkvæðismenn verður jafnframt tekið til formlegrar meðferðar á fundinum og munu þeir kjósa um það, að því er fram kemur í Lögbirtingablaðinu í dag.
Spron Verðbréf heyra undir Dróma, sem jafnframt fer með eignir Frjálsa fjárfestingarbankans. Frjálsi var í eigu SPRON frá því í lok árs 2002. Skilanefnd tók yfir rekstur beggja félaga eftir að bæði Spron og Frjálsi óskuðu eftir slitameðferð júní árið 2009.
VB.is greindi frá því í síðustu viku að frumvarp um nauðasamninga Frjálsa verður kynnt á kröfuhafafundi þann 28. nóvember næstkomandi. Á fundinum mun atkvæðagreiðsla um frumvarpið fara fram.