*

fimmtudagur, 15. apríl 2021
Erlent 2. apríl 2021 18:04

Uppfæra þurfi Suez-skurðinn

Uppfæra þarf tæknilega innviði Suez-skurðarins til að koma í veg fyrir óhöpp líkt og í síðustu viku er skip festist í skurðinum.

Ritstjórn
epa

Uppfæra þarf tæknilega innviði Suez-skurðarins í Egyptalandi við fyrsta tækifæri til að koma í veg fyrir álíka óhöpp og nýlega er flutningaskipið Ever Given sat fast í skurðinum í sex daga, með tilheyrandi röskunum á vöruflutninga víða um heim. Þetta segja sérfræðingar í skipaiðnaðinum sem Reuters ræddi við.

Algengt er að flutningaskip sigli um Suez-skurðinn á ferðum sínum og er enn unnið að því að vinda ofan af þeim kostnaðarsömu töfum sem urðu vegna óhappins.

Að sögn þeirra sem stýra Suez-skurðinum er von á nýjum dráttarbátum sem hægt verði að nota er sambærileg atvik koma upp síðar. Fyrrnefndir sérfræðingar eru þó á því að meira þurfi til. Löngum hafi skort sérhæfðan búnað og verklagsreglur til að halda í við stóraukna skipaumferð um skurðinn. Bendir einn sérfræðingurinn einnig á að gámaskip hafi farið stækkandi undanfarin ár.

Stikkorð: Suez-skurðurinn