„Það er ekkert launungarmál að að það er minni neysla hjá landanum, miðað við það sem var. Til dæmis í fatnaði og skóm sem hefur örugglega minkkað um þriðjung frá hruni,“ segir Gunnar Ingi Sigurðsson, framkvæmdastjóri Hagkaups.
Hann segir umfang viðskipta í september hafa verið svipað hjá Hagkaup og á síð- asta ári.
Um samsetningu í innkaupakörfum viðskiptavina segir Gunnar Ingi óhætt að segja að töluverð breyting hafi orðið þar á.
„Fólk leggur áherslu á að gera góð kaup, eins og sagt er. Við bregðumst auðvitað við því og röð- um vörunum okkar upp í samræmi við eftirspurnina,“ segir hann.
Gunnar segir gestafjölda svipaðan nú og áður þó ekki hafi orðið eins mikil viðbót að þessu sinni og var á síðasta ári. „Upphæðirnar eru kannski svipaðar en hlutirnir í kerrunum færri.“
Nánar er fjallað um málið í síðasta tölublaði Viðskiptablaðsins þar sem fjallað er um smásöluvísitölu Rannsóknarseturs verslunarinnar. Áskrifendur geta nálgast blaðið hér að ofan undir liðnum Tölublöð.